Херојска борба и несреќен пораз од Металург во Купот на Македонија (29-31)

Тинекс Пролет одигра одличен натпревар на гостински терен против Металург, но за жал во неизвесна завршница претрпе минимален пораз од 31-29 и не успеа да се пласира на фајналфор турнирот од Купот на Македонија. Ракометарите на Тинекс Пролет го изненадија фаворитот достојно спротивставувајќи му се до самиот крај, но немаа среќа во последните минути, па не успеаја во желбата да приредат големо изненадување во салата „Автокоманда“.

„Металурзите“ беа подобар противник на теренот само во првите дваесетина минути од натпреварот. Тие го отворија мечот со водство од 4-0, потоа водеа и со 5-1 и 7-3, па во еден момент имаа и пет гола предност (11-6). Токму тогаш Тинекс Пролет влезе во одличен ритам и до крајот на полувремето успеа да се врати во натпреварот и на одмор замина со само еден гол негатива (16-15).

Домашниот тим се стабилизираше за време на паузата, па во вториот дел имаше контрола над резултатот. Нашите ракометари ги чекаа своите пет минути, и ги дочекаа успевајќи да се приближат на само еден гол негатива (28-27). Тоа за жал беше се што Тинекс Пролет успеа да стори бидејќи Металург умешно го приврши натпреварот, славејќи со 31-29.

Андоновски и Џонов постигнаа по шест гола за Тинекс Пролет, Филип Василевски реализираше пет, а Аларов и Манасков по четири пати се запишаа меѓу стрелците.

Галерија

Пребарување

Табела

Поз.ЕкипаБ
1Тинекс Пролет3
2Металург3
3Радовиш3
4Бутел Скопје3
5Работнички1
6Струга1
7Пелистер0
8Вардар Јуниор0
9Металург 20
10Охрид 20130

Најнови вести

Архива на вести