Голманот Стефан Кимевски со извонредното издание во вторите 30 минути беше најзаслужен што Тинекс Пролет славеше над Бутел во премиерниот натпревар од ракометниот плеј-оф. Воедно, нашиот тим испиша историја во мак-ракометот откако тројцата голмани на Тинекс Пролет за едно полувреме успеаја да одбранат најмалку по еден пенал на гостинските ракометари. 

Серијата на самиот почеток од второто полувреме ја почна Кристијан Кристо, кој го запре обидот на Златко Мојсоски. Само неколку минути подоцна Кимевски го одбрани седмерецот на Мајиќ, а фантастичниот подвиг го комплетираше Коруновски, кој во последната минута го одбрани ударот од седум метри на Димитар Ѓеорѓиевски.