Освоен и Радовиш, прокнижени нови бодови

Екипата на Тинекс Пролет продолжи со добрите игри во Супер-лигата, триумфирајќи на вообичаено незгодното гостување во Радовиш со резултат 31-37. Ова е трета победа во низа за нашиот тим, кој продолжува да се искачува на табелата.

​Радовиш одлично го отвори натпреварот и поведе со 4-1, но веднаш потоа следеше соодветна реакција од таборот на Пролет, па веќе во десеттата минута преку Манасков израмнивме на 5-5. Домаќините беа тимот што го контролираше резултатот во поголемиот дел од полувремето, но пресуди фуриозниот финиш на нашите момци, кога по негатива од 15-12 до крајот на полувремето постигнаа пет гола и на одмор заминаа со предност од 15-17.

Во текот на целото второ полувреме Пролет го диктираше темпото и не му дозволуваше на Радовиш да направи пресврт. Домаќините во неколку наврати доаѓаа до само еден гол разлика, но избраниците на Матлиески одолеаја на нивните налети, па со фуриозна игра во завршницата од натпреварот триумфираа со конечни „плус шест“.

Ласко Андоновски одигра капитенски постигнувајќи девет погодоци, а по седум гола за нашиот тим постигнаа Мајнов и Манасков.

Поврзани вести

Пребарување

Табела

Поз.ЕкипаБ
1Вардар2
2Е. Пелистер2
3Тинекс Пролет2
4Куманово2
5Е. Пелистер 22
6Охрид1
7Алкалоид1
8Бутел0
9Прилеп0
10Радовиш0
11Тиквеш0
12Струга0

Најнови вести

Архива на вести