Ракометарите на Тинекс Пролет запишаа неочекувано висок пораз на гостувањето против Бутел во плеј-оф разигрувањето за титулата во домашниот шампионат. Бутел славеше со 29-20 (15-11) реванширајќи се за претходниот пораз во меѓусебната пресметка.

Првиот дел од натпреварот мина главно во израмнета битка иако по 15-та минута домашните се стекнаа со предност од три гола (8-5). Но, веднаш потоа следеше консолидација на нашиот тим и серија од 1-3 за 9-8. Сепак, во финишот на првото полувреме Бутел повторно се одлепи за 15-11.



Во второто полувреме домашните беа далеку поагресивни во одбраната, сигурни во нападот и дојдоа до заслужена победа од 29-20.

Најдобри поединци во нашиот тим беа Андоновски и Манасков со по пет постигнати голови. Кај Бутел се издвоија Мајиќ со девет и Григорјев со шест погодоци.

Во следното коло Пролет го очекува сериозна пресметка против шампионот Вардар.