Двајца играчи на Пролет на списокот на македонската репрезентација

Двајцата клучни играчи на Тинекс Пролет сезонава, Ласко Андоновски и Мартин Манасков, се најдоа на списокот на селекторот Данило Брестовац во пресрет на квалификацискиот двомеч за ЕП 2020 против селекцијата на Исланд. На поширокиот список на Брестовац од 28 ракометари се најдоа и имињата на Андоновски и Манасков, како признание за нивните добри игри во досегашниот дел од сезоната во дресот на нашиот клуб.

Андоновски и сезонава игра капитенски, предводејќи го тимот до пласман во плеј-офот. Манасков презема се поголема одговорност и се наметнува како еден од лидерите во екипата на тренерот Матлиески, кој исто така е дел од стручниот штаб на Брестовац во сениорската репрезентација, по нивната успешна меѓусебна соработка во младинскиот состав.

Ласко Андоновски претходно беше дел од националниот тим и за време на подготовките за СП 2019, но не се најде на финалниот список на тогашниот селектор Раул Гонзалес.

Пребарување

Табела

Поз.ЕкипаБ
1Металург19
2Охрид 201318
3Тинекс Пролет17
4Бутел Скопје15
5Радовиш12
6Пелистер8
7Вардар Јуниор6
8Работнички4
9Струга1
10Металург 21

Најнови вести

Архива на вести