Тренерот Никола Матлиески денеска ја одржа првата прозивка во 2019 година, означувајќи го стартот на подготовките на Тинекс Пролет за вториот дел од оваа натпреварувачка сезона. 

Атмосферата во тимот е на највисоко ниво, а ракометарите се желни за работа и докажување пред стручниот штаб во пресрет на клучните натпревари за пласман во плејофот. Во однос на екипата што ја заврши 2018 година во нашите редови има едно ново име, десното крило Филип Ролевски, кој се враќа во Тинекс Пролет по неуспешниот обид за ангажман во странство. 

Предвидено е нашиот тим целокупните подготовки да ги мине во Скопје, а во наредниот период ќе бидат закажани и неколку контролни натпревари. 

Сезоната во ракометната Супер-лига продолжува на почетокот од месец март, а Тинекс Пролет во првото коло на гостински терен ќе се сретне со Вардар јуниор.