Ракометарите на Тинекс Пролет со победа од 24-26 го заокружија секогаш незгодното гостување во Радовиш во 5. коло од плеј-аут фазата во Суперлигата на Македонија. Триумф и за зацврстување на првата позиција на табелата по пет одиграни натпревари.

А, натпреварот почна негативно за момците на Матлиески во првото полувреме во кое Радовиш во два наврати имаше предност и од дури осум гола, 12-4 и 13-5.

Сепак, демонстрирајќи максимален карактер и борбеност со одлична серија, нашите ракометари најпрво уште на полувремето дојде до негатива од само 14-12. А, во серија од 0-8, на почетокот од второто полувреме дојдоа и до предност од 14-15.

Во продолжението низ игра гол за гол, Тинекс Пролет ја одржуваше предноста од еден до два гола, за да во 55. минута дојде и до водство од 22-25 што веќе го означуваше патот до победа, на крајот и за конечни 24-26.

Најефикасен во нашата екипа беше Ласко Андоновски со шест гола а по пет запишаа Андреј Стојановски и Давор Палевски. Четири гола постигна Стефан Атанасовски. Кај Радовиш се истакна искусниот Ивица Илиев со седум погодоци.