Селекторот на младинската репрезентација на Македонија, Бранислав Ангеловски, го објави списокот на ракометари за кои ќе смета на претстојниот ЕХФ-шампионат што се одржи во Варна, Бугарија.

На списокот на „црвено-жолтите“ се наоѓаат и тројца ракометари на Тинекс Пролет, и тоа Михаел Тотиќ, Андреј Стојановски и Томислав Димковски. Станува збор за тројца ракометари кои минатата сезона беа меѓу лидерите на младинскиот тим на Тинекс Пролет, а минатата сезона добија шанса за настап и за првата екипа.

Младинската репрезентаицја на Македонија во Варна ќе се натпреварува во групата Б, каде за ривали ќе ги има селекциите на Романија, Украина, Швајцарија и Косово. Нашите млади ракометари првиот меч на ЕХФ-шампионатот ќе го играат на 16 јули (сабота) против Украина, со почеток во 17 часот.