Штета: Пенал-рулетот му го сврте грбот на Тинекс Пролет на кадетскиот фајналфор

Тинекс Пролет го освои четвртото место на завршниот турнир од кадетскиот шампионат на Македонија што денеска се одржа во Охрид. Нашите млади ракометари со прикажаната игра заслужија многу повеќе, прикажаа извонреден атрактивен ракомет, но среќата им го сврте грбот кога беше најважно, па двата меча, и полуфиналето со Алкалоид и дуелот за третото место против Охрид, ги загубија по изведување на пенали.

Полуфиналето против Алкалоид мина во долго водство на Тинекс Пролет, избраниците на Лембанов имаа контрола над резултатот се до самиот финиш, за противникот во својот последен напад да погоди за израмнување од 31-31. Тинекс Пролет доби пенал на четири секунди до крајот, но нашите ракометари не успеаја да го претворат во победнички погодок. Во пенал-рулетот два седмерци на Тинекс Пролет завршија во гредата од голот, па Алкалоид се пласираше во големото финале.

Супер-интересно беше и на дуелот за третото место, во кој Пролет долго време водеше, охриѓани на крајот се вратија, па по израмнетите 40-40 ворегуларните 60 минути игра, во пенал-рулетот славеше Охрид со конечни 46-45.

Нов кадетски шампион на Македонија е тимот на Бутел, кој во големото финале го совлада Алкалоид со 22-20.

Пребарување

Табела

Поз.ЕкипаБ
1Вардар2
2Е. Пелистер2
3Тинекс Пролет2
4Куманово2
5Е. Пелистер 22
6Охрид1
7Алкалоид1
8Бутел0
9Прилеп0
10Радовиш0
11Тиквеш0
12Струга0

Најнови вести

Архива на вести