Кадетскиот тим на Тинекс Пролет оствари одличен резултат со пласманот во Топ 8 екипите во својата конкуренција, откако го освои второто место во силната група зад Алкалоид, а пред Вардар и засилениот состав на Металург РА.

Денеска беа извлечени двојките за четвртфиналните дуели, од кои победниците ќе обезбедат место на фајналфор турнирот од кадетскиот шампионат на Македонија. Тинекс Пролет за противник го доби Младост Богданци, според пропозициите, ќе се игра еден натпревар, а ждрепката одлучи избраниците на тренерот Лембанов да гостуваат на овој четвртфинален дуел, што ќе се игра претстојниот викенд.

Во останатите четвртфинални средби ќе се сретнат Алкалоид - ГА, Бутел - Тиквеш и Охрид - Еурофарм Пелистер.