Ракометарите на Тинекс Пролет претрпеа пораз од 31-26 на пријателскиот меч против Бутел, што претставуваше „генералка“ за нашиот тим пред квалификациите за Лигата на Европа и двомечот против Гранолјерс. Доне Бошковски го претрпе првиот пораз како тренер на Тинекс Пролет, а главен акцент во наредниот период ќе биде ставен на играта во одбрана, каде дефинитивно постои простор за напредок.

Денешниот дуел почна со израмнета игра, па на половина од првото полувреме резултатот гласеше 9-9. Бутел нешто подобро го финишираше полувремето и на одмор замина со предност од 14-13, а пресуден беше почетокот од вториот дел, во кој домашниот состав создаде поконкретна позитива. „Бутелци“ најпрвин се одлепија на 19-16, а потоа во 48. минута имаа и водство од 25-20. 

И покрај обидите за камбек, Бутел рутински ја задржа предноста и триумфираше со убедливи 31-26. 

Тинекс Пролет в четврток патува за Шпанија, каде во петок и сабота ќе се сретне со Гранолјерс во рамките од квалификациите за Лигата на Европа.