Убедлив печат на третото место, триумф во Струга!

  • 02.06.2021
Ракометарите на Тинекс Пролет согласно очекувањата убедливо славеа на гостувањето против Струга со 23-30 (11-16), запечатувајќи го третото место во Суперлигата сезонава и посакуваниот европски излез.

Без никакви проблеми избраниците на Зоран Кастратовиќ од самиот почеток на дуелот во Струга наметнаа сопствен ритам кој домашните не умееја да го следат. По брзата предност од 1-3 во првите минути, постојаната предност се одржувајќи со континуирано зголемување на разликата за на крајот пет гола предност (11-16) на полувремето.

Во второто полувреме сосема идентична слика на паркетот. Далеку поквалитетниот тим на Тинекс Пролет постојано ја зголемуваше предноста која во 48. минута изнесуваше и 16-25. До крајот главно во игра гол за гол, се заокружи за конечни 23-30.

Најефикасен во редовите на Тинекс Пролет беше Давор Палевски со 8 гола, а по пет погодоци запишаа Аларов и Андоновски. Со четири постигнати гола мечот го заврши Жарко Пејовиќ. Кај домашните се издвои Филип Пајкоски со пет гола.

По оваа победа, Тинекс Пролет дојде и до седмата победа во Суперлигата, со 22 бода обезбедувајќи го местото кое носи во Европа.

Пребарување

Табела

Поз.ЕкипаБ
1РК Пролет 6211
2РК Прилеп9
3МРК Куманово7
4РК Радовиш4
5РК Фруит Ленд Борец4
6РК Струга4

Најнови вести

Архива на вести