Пораз во последните минути, по силен отпор, од лидерот Вардар

31.05.2021

Пораз во претпоследниот натпревар од плејофот во Суперлигата за ракометарите на Тинекс Пролет во старото скопско дерби од лидерот на првенствената табела, Вардар со 22-28 (11-14).

Големиот фаворит до триумфот дојде во последните десет минути од дуелот благодарение само на поголемата концентрација во нападот во финишот која пресуди за конечната победа од шест гола разлика. Претходно повеќе од 45 минути максимално израмнета игра.

Избраниците на Зоран Кастратовиќ со головите на Пејовиќ и Димов поведоа на почетокот од натпреварот со 2-0, но многу брзо вардарци се активираа и го презедоа водството, па од игра гол за гол на полувремето Вардар дојде до предност 11-14.

Во второто полувреме одлична игра на Тинекс Пролет кој дојде до израмнување во 45. минута за 19-19. Во следниот напад можност и за водство, но остана нереализиран, за да Чупиќ казни за 19-20, а потоа погодија и Јотиќ и Валчак за 19-22. Во продолжението беше „скршен“ отпорот на домашните за да во 50. минута „вардарци“ имаат предност и од 20-25 со што беше навестен победникот на натпреварот.

Најефикасен кај Тинекс Пролет беше Михаил Аларов со пет гола, а Пецаковски запиша четири погодоци. Со по три гола завршија Димов, Потиќ и Палевски. Кај Вардар најефикасни беа Чупиќ со 8 гола и Гоце Георгиевски со 7 погодоци.

Тинекс Пролет за потврда на третото место во последното коло треба да триумфира на гостински терен против Струга.

Поз.	Екипа	Б
1	Вардар	38
2	Е. Пелистер	34
3	Охрид	33
4	Алкалоид	33
5	Тиквеш	20
6	Бутел	20
7	Прилеп	18
8	Е. Пелистер 2	17
9	Тинекс Пролет	13
10	Куманово	7
11	Струга	7
12	Радовиш	0

Пораз во последните минути, по силен отпор, од лидерот Вардар

Пребарување

Табела

Најнови вести

Архива на вести

Детали за контакт

Историја

Следете нѐ на