Достоен отпор во поразот од Вардар (30-24)

Ракометарите на Тинекс Пролет загубија на денешниот натпревар против Вардар со 30-24, меч на кој нашиот тим се прикажа во сосема солидно светло против актуелниот првак на Македонија.

„Црвено-црните“ беа подобар противник на самиот почеток, поведувајќи со 5-2, а потоа зголемувајќи ја предноста и до најубедливи „плус пет“ (9-4 и 13-8). Тинекс Пролет одигра одлично во одбраната во финишот од првото полувреме, на одмор заминувајќи со 15-13 откако не прими гол во последните пет минути во првото полувреме, намалувајќи ја предноста со погодоците на Давитковски и на Аларов.

Избраниците на Матлиески му парираа на големиот фаворит и во првиот дел од второто полувреме, откак во неколку ситуации Тинекс Пролет имаше и напад при „минус два“, но не успеа да ја намали негативата и да го однесе мечот во неизвесна завршница. На крајот сепак пресуди искуството на поквалитетниот противник, кој во последните десетина минути успеа да се одлепи и да стигне до победата.


 
ВАРДАР - ТИНЕКС ПРОЛЕТ    30-24 (15-13)

ВАРДАР: Ристовски, Кизиќ, Валчак 1, Јагуриновски 5, Стоилов 1, Димитриоски 1, Дибиров 9, Георгиевски 5, Карапалевски, Дисингер 1, Јотиќ, Гаџа 2, Талески 5, Векиќ, Мишевски.

ТИНЕКС ПРОЛЕТ: Цветковски, Ангелов, Кристо, Аларов 7, Давитковски 5, Пецаковски 5, Јовановски, Донев, 
Додевски, Димов 1, Андоновски 3, Дамчевски, А. Василевски 2, Фичорски, Палевски, Пејовиќ 1.