Тинекс Пролет триумфално ја стартуваше серијата контролни натпревари во пресрет на клучниот дел од сезоната откако вечерва рутински и убедливо триумфираше над Работнички со 34-26. Противникот беше значително засилен, вклучувајќи ги во својот ростер четворицата „вардарци“ Мишевски, Гашовски, Атанасовски и Карапалевски, но и покрај тоа Тинекс Пролет со квалитетно издание во нападот стигна до рутинска победа.

Работнички парираше само во првото полувреме, кое заврши со минимална предност на нашиот тим од 13-12. Вториот дел мина во апсолутна доминација на избраниците на Матлиески, кои ја зголемуваа предноста во однос на ривалот се до конечните „плус осум“.

Потиќ, кој минатиот месец потпиша за Тинекс Пролет од редовите на Металург, денеска го имаше своето деби за нашиот клуб. Тренерот Матлиески за денешниот меч поради ситна повреда не можеше да смета на Џонов, кој би требало да се врати во тимот за следниот контролен натпревар, што ќе го играме в среда со КЛ7.