Тинекс Пролет забележа уште една победа во подготвителниот период, овојпат триумфирајќи на домашен терен над Прилеп со резултат 28-25. Тренерот Матлиески на овој меч не можеше да смета на Џонов, кој заработи ситна повреда на претходниот меч со Металург, но се очекува овој ракометар да биде подготвен за стартот на новата сезона.

Прилепчани се покажаа како цврст ривал кој одлично му парираше на нашиот тим. Најдобра потврда за тоа е и тесниот резултат во текот на целиот натпревар, на одмор се замина со израмнети 12-12, за во вториот дел Тинекс Пролет конечно да се одлепи и на крајот заслужено да слави со три гола разлика.

Избраниците на тренерот Матлиески в петок ги очекува дуел со Пелистер 2, што воедно ќе биде и последна контрола пред стартот на новата сезона закажан за 11 септември.