Враќањето на нашиот прв тим од успешните подготовки во Маврово е повод за навраќање во минатото, со оглед на фактот дека нашата екипа со години наназад своите подготовки за сезоните ги минува токму на планината Бистра.

Доказ за тоа се и овие фотографии од летото 1979 година, од екипата на Пролет пред хотелот „Бистра“ во Маврово. Дел од тимот во тој период беше Петар Тотиќ, кој е дел од сегашниот стручен штаб на тренерот Матлиески, како и Драган Здравковски - Ангор, кој по завршувањето на играчката кариера стана и селектор на македонскиот национален тим.