Успешно финиширани подготовки, следат пет пријателски натпревари

Екипата на Тинекс Пролет успешно ги одработе подготовките во Маврово, на кои тренерот Матлиески имаше можност да ги види на дело сите ракометари кои ќе ги бранат боите на нашиот клуб од стартот на новата натпреварувачка сезона.

Акцентот беше ставен на подобрување на физичката подготвеност по повеќемесечната пауза од терените, а во последните денови се почна и со тактички подготовоки за претстојната сезона. 

Периодот на воигрување допрва следи, па така за наредните денови се закажани пет пријателски натпревари на кои тренерот Матлиески ќе може да го воигра тимот пред премиерниот меч против Јуниор Кисела Вода. На 25 и на 26 август Тинекс Пролет ќе одигра две пријателски средби против Работнички, а за 27 август е предвидена пресметката со Металург.

На 2 септември на домашен терен ќе го пречекаме тимот на Прилеп, а последната контролна средба ќе ја играме на 6 септември против Еурофарм Пелистер.

Галерија