Одличните игри на стартот од новата сезона беа доволна препорака за Тинекс Пролет да има двајца ракометари во македонската репрезентација во оваа ЕХФ-седмица. Мартин Поповски повторно е дел од националниот тим и го постигна голот за реми на вчерашниот дуел со Италија, а денеска на подготовките на репрезентацијата се приклучи и Михаил Аларов. 

Пивотот игра одлично од самиот почеток на сезонава, покрај ефикасноста во нападот го одликува и извонредна игра во одбраната, па повикот од селекторот Брестовац е апсолутно заслужен.

Мартин Поповски по одличните игри за Тинекс Пролет, блесна и во репрезентативниот дрес откако со осум погодоци беше најефикасен на последниот натпревар против селекцијата на Италија.

Македонија и Грузија утре и задутре ќе одиграат две контролни средби. Покрај двајцата ракометари, дел од нашиот национален тим е и тренерот Никола Матлиески, кој е прв асистент на селекторот Брестовац во стручниот штаб на репрезентацијата.