Кадетскиот тим на Тинекс Пролет извонредно ја стартуваше новата сезона, откако триумфираше на гостински терен против големиот фаворит Металург со убедливи 26-38. „Металурзите“ со оваа генерација (играчи до 2002 година) беа шампиони на Македонија во пионерска конкуренција, но нашите млади ракометари одиграа извонреден меч во салата „Автокоманда“ и заслужено се радуваа на победата.

Избраниците на тренерот Сашо Сотировски уште од самиот почеток наметнаа силно темпо на кое противникот не можеше да одговори. Првото полувреме заврши со убедлива предност од 10-18 за Тинекс Пролет, позитива што до крајот успеавме да ја искачиме и над 10 гола разлика, со конечните „плус 12“.

Победа што сигурно ќе влее самодоверба од самиот почеток на новата сезона, во која младите ракометари на Тинекс Пролет ќе продолжат во ваков ритам.


фото: rkmetalurg.mk