Тинекс Пролет не само што беше достоен ривал, туку покажа и повеќе од Металург на саботната скопска пресметка во салата „Македонско Сонце“. Останува разочарувањето што оваа одлична партија не беше крунисана и со триумф, но најважно сепак е што Тинекс Пролет покажа дека може да се носи и со тимот што важи за најголем фаворит во Супер-лигата.

Воедно, нашите ракометари го имаа и најубавиот потег во третото суперлигашко коло, атрактивниот цепелин Поповски - Џонов, по кој бекот на Тинекс Пролет го матираше гостинскиот голман.