Ракометарите на Тинекс Пролет забележаа еден пораз и едно реми на двете контролни средби одиграни во изминатите 24 часа, последни пријателски натпреварии во пресрет на новата сезона. Тренерот Матлиески и за двата дуели не можеше да смета на Аларов и на Џонов, кои ќе бидат значајни алки во тимот на Тинекс Пролет во текот на сезоната.

Нашата екипа го пречека составот на Струга, но напорниот ритам на тренинзи придонесе да не биде прикажана посакуваната игра. Стружани изненадија со подобро издание во првото полувреме (10-14), по што умешно ја задржаа предноста до самиот крај и конечните 26-30.

Тинекс Пролет се покажа во подобро светло на денешното гостување во Лесковац против екипата на Дубочица. Целиот натпревар мина во израмнета игра и тактичко надмудрување, на паузата домаќините имаа предност од 16-15, за на крајот мечот да заврши со реми (29-29).

Нашиот тим новата сезона ќе ја стартува со домашен натпревар против Охрид.