Екипата на Охрид ќе биде прв ривал на Тинекс Пролет во новата натпреварувачка сезона што ќе стартува на 7 септември. 

Со денешното извлекување во скопскиот хотел „Континентал“ беше утврден календарот за натпреварување во Супер-лигата, од која четирите најдобри екипи вообичаено ќе обезбедат пласман во плејофот. Охриѓани се една од екипите кои важат за наши ривали во оваа трка, па токму затоа премиерниот натпревар од новата сезона ќе биде од големо значење за тренерот Матлиески и неговите избраници.

Во рамките од второто коло ќе му гостуваме на тимот на Металург 2, а во третата рунда е закажан дерби дуелот со поранешниот првак Металург. Првиот круг од натпреварувањето, во деветтото коло, го заокружуваме со гостување во Струга.