Екипата на Тинекс Пролет денеска го игра осминафиналниот натпревар од Купот на Македонија, во 16 часот среќавајќи се со Радовиш како дел од групата чиј домаќин е Металург. 

Јасно е дека нашиот тим ќе ја има фаворитската улога во салата „Автокоманда“, а единствен проблем со кој се соочуваме е отсуството на тренерот Матлиески, поради репрезентативни обврски. Нашиот клуб излезе во пресрет на потребите на Ракометната Федерација на Македонија, па даде зелено светло за Матлиески да отпатува за Бугојно, како дел од стручниот штаб на кадетската репрезентација која учествува на силен турнир во овој град.

Во отсуство на Матлиески, улогата на предводници од клупата ќе им припадне на Петар Тотиќ и Сашо Огненовски. Доколку се одигра на посакуваното ниво, победата не би требало да биде доведена во прашање, а потоа во битка за завршниот фајналфор Тинекс Пролет би се сретнал со подобриот од мечот Металург - Јуниор Кисела Вода.