Пролет има свој играч на списокот за СП на селекторот Раул Гонзалес

Капитенот на Тинекс Пролет, Ласко Андоновски, се наоѓа на поширокиот список на селекторот Раул Гонзалес за претстојното Светско Првенство што ќе се одржи наредниот месец во Германија и во Данска. На списокот на Гонзалес од 28 ракометари има место за играчи од само два македонски суперлигаши, покрај нашиот колектив тука се наоѓаат и неколку ракометари на лиерот Еурофарм Работник.

Стратегијата на нашиот клуб, да се настапува исклучиво со домашни ракометари, се покажува како правилен концепт од кој Тинекс Пролет нема да отстапи ниту во годините што ќе следат. Андоновски со години наназад важи за предводник на нашата екипа, а добрите игри во текот на оваа натпреварувачка сезона придонесоа тој заслужено да се најде на репрезентативниот список.

Македонија ќе биде дел од групата во Минхен на СП 2019, каде нашите ракометари ќе се сретнат со Јапонија, Бахраин, Шпанија, Хрватска и Исланд.

Пребарување

Табела

Поз.ЕкипаБ
1Еурофарм Работник52
2Пелистер 0841
3Тинекс Пролет37
4РК Бутел36
5Охрид 201133
6РК Струга28
7Радовиш15
8Вардар Јуниор12
9Прилеп10
10Борец0

Најнови вести

Архива на вести