Тинекс Пролет има причина да биде горд откако шестмиина наши млади ракометари се закитија со титулата светски шампиони во училишен ракомет, на првенството што денеска и официјално заврши во Скопје.

Горазд Дамчевски, Давор Крстевски, Марко Ѓорчески, Лука Јовиќ, Трајче Костов и Ѓорѓе Лешниковски се играчите од нашиот младински погон, ракометари кои сезонава имаа настапи и на сениорско ниво, што секако им беше добредојдено искуство за возбудувањата на овој европски шампионат.

Македонија одигра импресивно од првиот до последниот натпреварувачки ден, редеше победи на сите мечеви, за во денешното финале „црвено-жолтите“ да слават и во пресметката со Израел, со конечни 38-32, искачувајќи се на тронот на светскиот училишен ракомет.

Честитки за нашите шест ракометни бисери, но и за сите останати членови на кадетската репрезентација за овој огромен успех.