Со голема тага и неверување ја примивме веста за прераната смрт на Љупчо Јаневски, човек кој долги години беше дел од ракометната сцена во Македонија.

Јаневски своевремено како играч неколку сезони ги бранеше боите на Тинекс Пролет, а по завршувањето на играчката кариера реши да остане во ракометот, најпрвин како судија, а потоа и делегат – контролор, секогаш вршејќи ги своите задачи со максимална посветеност и професионализам.

Ракометот загуби прекрасна личност, Јаневски секогаш беше тука за сите, за совет, помош и се што ќе беше побарано од него.

РК Тинекс Пролет изразува искрено сочувство до семејството и најблиските пријатели на Љупчо Јаневски.