Младинскиот тим на Тинекс Пролет стигна до огромна победа над Еурофарм Пелистер 2 од минимални 33-32.
Нашите млади ракометари одиграа перфектен меч против квалитетниот ривал кој има ракометари кои се дел и од
Супер-лигата, беа пофокусирани во финишот и заслужено стигнаа до победата.

Тинекс Пролет водеше со минимални 14-13 на полувремето, а потоа беше подобар ривал во голем дел од вториот дел, поведувајќи со 31-27. Битолчани со четири гола во низа израмнија на 31-31, но Тинекс Пролет одигра најдобро кога беше најважно и преку Крстески и Јовиќ постигна голови за конечна победа.

Марко Ѓорчески беше прв стрелец на тимот со 10 гола, додека осум погодоци постигна Димитар Симовски.