Најголемата легенда на РК Тинекс Пролет, Илија Темелковски, постхумно ја доби наградата за особен придонес во ракометот доделена од РФМ на синоќешната церемонија во организација на „куќата на ракометот“ во која беа доделени признанија за најдобрите во сезоната 2024/25.

Самата гала-вечер почна со громогласен аплауз во чест на Илија Темелковски и Александар Јовиќ, двете македонски ракометни легенди кои починаа во оваа 2025 година.



Темелковски остави длабок траг најпрвин како играч, а потоа и како исклучително успешен тренер, на клупски и на репрезентативен план, водејќи ја Македонија до одличното 11. место на СП 2009 во Хрватска, а нашата младинска репрезентација до шестата позиција на младинскиот мундијал што се одржа во Алжир.


Големото признание за Темелковски го прими неговата сопругата и двајцата внуци.