Кадетската екипа на Тинекс Пролет го освои третото место на фајналфор турнирот што денеска се одржуваше во салата „Автокоманда“ во Скопје. Нашите млади ракометари покажаа одличен ракомет и огромен потенцијал, а останува тагата за пропуштената шанса во полуфиналето со Струга, што го загубивме на пенали.

Стружани имаа три гола предност на полвуреме (11-14), но Тинекс Пролет направи фантастичен пресврт и имаше контрола над резултатот до самиот финиш. Во последните две минути имавме „плус два“, но не успеавме да ја задржиме предноста, па во последната секунди дури и се спасивме од пораз со одбранет седмерец (29=29). Сепак, во пенал-рулетот среќата не беше на наша страна, па стружани се радуваа на победата и пласманот во големото финале. Најдобри поединци кај Тинекс Пролет во ова полуфиинале беа Лука Јовиќ со 14 и Симоноски со пет погодоци.

Во дуелот за третото место наш противник беше тимот на Мулти Есенс, квалитетен ривал што по голема битка го совладавме со 27-26. Победата ја осигуравме во завршницата, откако во неизвесен дуел Мулти Есенс имаше 23-24, по што Тинекс Пролет даде четири гола во низа, поведе со 27-24 и стигна до значајна победа.

Дамчевски со осум гола ги предводеше стрелците на овој натпревар, додека по четири погодоци постигнаа Костов и Деспотовски.