Никола Стоилевски е најновото засилување за тимот на Тинекс Пролет, откако нашиот клуб потпиша договор со 25-годишниот ракометар.Стоилевски настапува на позицијата десно крило и дополнително ќе ја засили конкуренцијата во тимот предводен од тренерот Матлиески.

Негов последен клуб беше РК Охрид, а претходно во кариерата ги има брането боите на првиот и на вториот тим на Битола. Минатата година Стоилевски настапуваше и на неколку пријателски натпревари за сениорската репрезентација на Македонија.

Му посакуваме на Никола Стоилевски добредојде во семејството на Тинекс Пролет.