Христијан Петковски од денеска е нов член на Тинекс Пролет откако перспективниот тинејџер го стави потписот на договорот со нашиот клуб.

Станува збор за 19-годишен ракометар кој настапува на позицијата десен бек, а доаѓа во таборот на Тинекс Пролет од редовите на Мулти Есенс. Овој перспективен млад играч ќе тренира со првата екипа и ќе се обиде да се наметне кај тренерот Александар Јовиќ за настап на натпреварите во вториот дел од сезоната, во кој Тинекс Пролет ќе биде дел од плејоф разигрувањето.

За нашиот клуб веќе настапува братот на Христијан, Андреј Петковски, кој неколку години наназад ја чува мрежата на Тинекс Пролет.