Екипата на Тинекс Пролет со денешниот тренинг го означи стартот на подготовките за новата натпреварувачка сезона, во која нашиот тим влегува со исти амбиции, најпрвин влез во плејофот, а потоа и борба за место кое води во ракометна Европа.

На првата прозивка на тренерот Лембанов присуствуваа сите ракометари, вклучувајќи ги и новите засилувања на тимот, Стефан Кочаров, Филип Арсеновски и Антонио Николовски.

Предвидено е тимот да тренира по два пати дневно, потврдено е учеството на Тинекс Пролет на турнирот во Прилеп, а наскоро ќе бидат договорени и преостанатите пријателски натпревари во овој подготвителен период.



Тинекс Пролет во првото коло од новата сезона, на почетокот од месец септември ќе го пречека составот на Вардар Неготино.