Македонската репрезентација денеска ги стартуваше подготовките за СП 2023 што ќе се одржи во Полска и во Шведска,а селекторот Кире Лазаров на располагање има и двајца ракометари на Тинекс Пролет, Томи Јагуриновски и Иван Џонов.

Јагуриновски има одлична сезона откако од исландски Тор потпиша за Тинекс Пролет и даде значаен придонес во освојувањето на второто место. Десниот бек воедно одигра одлично и во бараж дуелите за пласман на овој мундијал, изнудувајќи го клучниот пенал во победата во Скопје над Чешка.

Џонов сезонава блеска во дресот на Тинекс Пролет, максимално користејќи ја улогата и минутажата доделена од тренерот Лембанов. Тој настапи за Македонија и на последните квалификациски дуели со Луксембург и со Турција, каде добрите настапи му беа препорака да се најде на списокот за подготовките за овој мундијал.