Прволигашот Аеродром ќе биде ривалот на Тинекс Пролет во првата рунда од Купот на Македонија, беше одлучено со ждрепката што денеска се одржа во просториите на Ракометната Федерација на Македонија.

Станува збор за ривал кој минатата сезона за малку не успеа да обезбеди влез во Супер-лигата (во баражот на пенали загуби од Скопје), што сигурно е доволно предупредување дека ќе мора да се одигра максимално ангажирано ако се сака да се мине првата пречка во најмасовното ракометно натпреварување.

Натпреварот Аеродром - Тинекс Пролет ќе се игра на 10 или на 11 декември.