Контролен натпревар против Металург (ФОТОГАЛЕРИЈА)

Ракометарите на Тинекс Пролет денеска одиграа уште еден контролен натпревар, овојпат во салата „Автокоманда“ против екипата на Металург. По вчерашниот триумф над Работнички, овојпат за ривал имавме поквалитетна екипа на која достојно и се спротивставивме, но сепак на крајот претрпевме пораз од 29-25.

Мечот најпрвин се играше три третини по 20 минути, период. Тинекс Пролет добро парираше во почетната фаза на мечот, беше израмнето со 6-6, по што противникот заигра нешто подобро и го контролираше резултатот до самиот крај. По завршувањето на овие 60 минути, двајцата тренери се договорија да бидат одиграни уште дополнителни 15 минути игра во кои Матлиески и Кастратовиќ испробаа различни тактички варијанти.

Нашиот тим утре ќе одигра уште еден пријателски натпревар, трет во рок од три дена, повторно против екипата на Работнички, во СЦ „Јане Сандански“ со почеток во 16 часот.

Галерија